流行都市丨宋芝齡性感「阿太」裝與安德尊互窒似耍花槍

《流行都市》11位主持呢日齊齊喺電視城古裝街拍攝新春賀年特輯，現場請嚟專業師傅為大家表演舞龍舞獅，氣氛相當熱鬧，節目跟以往一樣準備遊戲環節。

姚嘉妮大爆另一新亮點係大王安德尊同宋芝齡緋聞被擺上枱，指「兩公婆」一齊鬥嘴，大晒佢哋嘅愛情故事，張美妮則稱宋芝齡特別容光煥發，宋芝齡即澄清：「我哋從來冇兩公婆劇情，同埋我哋冇簽字。」朱智賢叫大家留意年初二播出《流行都市》，屆時大王同芝齡有親密戲份。

胡諾言稱一向好少信花邊新聞，反而今次播出嘅環節睇得出佢哋好似有嘢，焦浩軒又指大王同芝齡友好關係好多年，呢日芝齡衣著被指唔太合群，與其他主持嘅新春喜慶造型唔太夾，芝齡解釋：「新春衫係以鮮色為主，邊個話一定要紅色，韓國係著白色，我唔著已經好畀面。」身邊嘅安德尊話芝齡著到成個「阿太」咁，現場各位主持叫佢做「安太」。

#流行都市 #安德尊 #宋芝齡 #張美妮 #胡諾言 #朱智賢 #姚嘉妮 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
https://www.facebook.com/TVBENews

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0